Вчера вечер во Лондон во организација на ФИФА и ФИФПРО се одржа церемонијата за доделување на наградите за најдобрите единаесет во светот на фудбалот (WORLD) 11.
Исто така се доделија и наградите за најдобар фудбалер и најдобар голман за измината сезона 2017/2018, во кое земаа учество и фудбалерите кој настапуваат во првата македонска фудбалска лига.
Овој избор е најкомпентентен бидејќи најдобрите фудбалери беа одбрани и изгласани од самите професионални фудбалери, кое гласање беше спроведено од синдикатите на фудбалери ширум целиот свет. Гласањето во Македонија кое оваа година се одржа по втор пат го спроведе Синдикатот на фудбалери на Македонија-СФМ.
За најдобар фудбалер оваа година беше избран играчот на Реал Мадрид и Хрватската репрезентација Лука Модрич.
Тибо Куртоа голманот на Реал Мадрид и Белгиската репрезентација беше избран за најдобар голман.
Во најдобрите единаесет се најдоа следниве фудбалери: Давид Де Геа -Манчестер Јунајтед (голман)
Четворицата во одбрана се:
Дани Алвес – ПСЖ
Рафаел Варан – Реал Мадрид
Серхио Рамос – Реал Мадрид
Марсело – Реал Мадрид
Средниот ред го сочинуваат:
Лука Модрич – Реал Мадрид
Нголо Канте – Челзи
Еден Азар – Челзи
И во нападот:
Кристијано Роналдо -Јувентус
Килиан Мбапе -Псж
Лионел Меси- Барселона
